Númer:
485b
Kornrækt og sáðskipti
Flokkur:
Fóðuröflun og fjölbreytt framleiðslukerfi
Upphafsár:
Tengiliður:
Jónatan Hermannsson
Netfang:
jonatan@lbhi.is
Kornrækt á Íslandi er nálægt mörkum hins mögulega. Sumarhiti er af skornum skammti og aðrir veðurfarsþættir eru einnig erfiðari hér en þekkist í kornræktarlöndum. Nefna má hvassviðri og slagviðri síðsumars.
Hinar séstöku aðstæður hér á landi gera óvenjulegar kröfur til kornsins, sem ræktað er. Markmið verkefnisins verður að fá bændum í hendur hinn besta efnivið til kornræktar. Því er sinnt á tvennan hátt. Í fyrsta lagi með því að fylgjast með og prófa öll erlend yrki sem fáanleg eru og gætu komið að gagni hérlendis. Í öðru lagi með kynbótum og þá er unnið að því að búa til byggyrki sem henta hinum séríslensku aðstæðum. Þetta verkefni hefur þegar skilað fjórum nýjum yrkjum.
Í verkefninu er líka unnið að ýmsum þáttum varðandi ræktun korns, svo sem áburðarþörf, tækni við sáningu og skurð. Fjallað er um stað kornsins í sáðskiptum við aðrar nytjajurtir.
Helstu samstarfsaðilar:
Búnaðarsambönd í sýslum og landshlutum
|